हाम्रो जनकपुर /जनकपुरधाम। जनकपुरधाम उपमहानगरपालिका १३ का कार्यालय सहयोगी घुस लिदालिदै रंगेहात पक्राउ परेका छन् ।
अख्तियारको टोलीले कार्यालय सहयोगी दिलिप पजियारलाई घुस रकमसहित पक्राउ गरेको हो ।
२४ हजार रुपैया घुस रकमसहित उनलाई पक्राउ गरिएको अख्तियार स्रोतले जनाएको छ ।
कार्यालय सहयोगीले के कस्तो काम बापत घुस लिएको भन्ने बारे खुल्न सकेको छैन । उनीमाथि अख्तियारका अधिकारीले अनुसन्धान गरिरहेको छ ।
वडाध्यक्ष शुभनारायण मण्डलले घटनाबारे केहिबेरमा जानकारी दिने बताए ।
आफु कार्यालय सचिव रहेको भन्दै उनले नागरिकता सिफारिसका लागि सो घुस रकम लिइरहेको अवस्थामा पक्राउ परेका छन् ।
केहि स्थानियका अनुसार कार्यालय सहयोगी पजियारकै मार्फतले वडामा घुसको खेती भइरहेको छ ।
काम गरेको वापत उनले घुस लिएर वडा अध्यक्ष सम्मलाई पुरयाउने गरेको समेत स्थानियको आरोप छ ।
