हाम्रो जनकपुर / जनकपुरधाम : धनुषामा छटपटिएर फेरी एक पुरुषको मृत्यु भएको छ ।
सबैला नगरपालिका ३ स्थित बकरी बजारमा सिरहाको कर्जन्हा नगरपालिका ९ का ४० वर्षीय विगुल पासवानको मृत्यु भएको हो । मृतकको साथबाट मुटु रोग सम्बन्धी औषधी फेला परेको छ ।
मृतक पासवान धनुषाकै शहिदनगर नगरपालिकाका २ चोरा कोयलपुरस्थित ससुरालीमा बस्दै आएका थिए । मजदुरीका लागि सबैला पुगेको बेला उनको मृत्यु भएको प्रहरीले जनाएको छ ।
ईलाका प्रहरी कार्यालय सबैलाका प्रहरी निरीक्षक रामकुमार यादवले मुटु रोगका कारण पासवानको मृत्यु भएको हुनसक्ने बताए । उनले मृतकको शव पोस्टमार्टमका लागि प्रादेशिक अस्पताल जनकपुर पठाएको जानकारी दिए ।
मृतक पासवान मुटुको रोगी भएपनि कोरोनाका कारण उनको मृत्यु भएको हुनसक्ने सबैलाका सर्वसधारणको अनुमान छ ।
प्रतिक्रिया
सम्बन्धित खवर
