• धर्वेन्द्र कुमार यादव(यदुवंशी)

जनकपुरधाम । धनुषा जिल्लाको जनकपुरधाम वडा नम्बर १३ स्थित माँ बौधी हस्पिटलको उद्घाटन गरिएको छ ।

सोमबार एक कार्यक्रमका बीच प्रमुख अथिती प्रदेश २ का आन्तरिक मामिला तथा कानुन राज्यमन्त्री सरोज सिंह कुशवाहा र प्रदेश २ का मानिय मन्जु कुमारी यादवद्वारा अस्पतालको उद्घाटन गरिएको छ ।

उद्घाटन गर्दै मन्त्री कुशवाहाले अस्पतालहरु संचालनमा आएपाछि मानिसहरु सहजरुपमा स्वास्थ्य सेवा पाउन सक्ने र अकालमै मृत्यु वरणबाट जाेगिने बताए।

अस्पतालका संचालक राम अशिष महतोले अहिलेको अवस्थामा नेपालका नागरिकहरुको स्वास्थ्यमा विभिन् किसिमको समस्या आउने गरेका छन् । तर सस्तोमा गुणस्तरीय सेवा दिने अस्पतालहरुको कमी छन् । कोरोना महामारीको बेला धेरै जसो अस्पतालहरुले बिरामीलाई भर्ना नलिने र एम्बुलेन्स सेवापनि नदिने गरेको देखिएका थिए तर हामी हरेक किसिमको विरामीहरुका लागि हामी संग भएको हरेक सेवा २४औं घण्टा उपलब्ध गराउने संचालक महतोले बताए ।

अस्पतालमा जेनेरल, फिजिसियन, अल्ट्रासाउण्ड, एक्सरे, इमर्जेन्सी लगायतका सेवाहरु रहेका छन् । अस्पताल संचालनमा आएपछि आसपासका क्षेत्रका जनताहरुको स्वास्थ्य सेवामा सुधार आउने विश्वास गरिएको छ ।