लहान २६ कार्तिक । ओरेक नेपाल परियोजना कार्यालय सिरहाको आयोजनामा लहान नगरपालिका वडा नं.१ मटियर्वामा कार्तिक २५ गते मंगलबार महिला स्वास्थ्य शिविर सम्पन्न भएको छ । वडा नं. १ र २ को सदाय वस्तीको महिलाहरुलाई लक्षित गरि गरिएको शिविरमा ५२ जना महिला तथा किशोरीहरुले सेवा लिएका छन् ।जिल्ला अस्पताल सिरहा, लहान नगरपालिका वडा नं. १ को वडा कार्यालय र प्राथमिक स्वास्थ्य चौकीको सहकार्यमा गरेको कार्यक्रममा सदाय वस्तीको महिलाहरुको प्रजनन् स्वास्थ्य सम्बन्धि आएको समस्यालाई केन्द्रित रहेर सेवा दिएको थियो ।
१२ वजे देखि सुुरु गरेको शिविरमा महिलाहरुलाई हुने प्रजनन् स्वास्थ्य सम्बन्धि समस्या समाधानका लागि आफ्नै घर, बारीमा भएको जडीबुटी प्रयोग सम्बन्धि प्रदर्शनी राखेको थियो ।धान भित्राउने समयमा गरिएको शिविरमा सदाय समुदायका महिलाहरु ज्यालादारीमा काम गर्ने भएको कारण हामीले लक्षित गरेको समुदायका केही महिलाले सेवा लिन नसकेको ओरेक परियोजना कार्यालय सिरहाकी कार्यक्रम संयोजक शर्मिला निरौलाले बताउनु भयो ।