जनकपुरधाम । धनुषामा आफनै श्रीमतीले देवरसँग मिलेर श्रीमान्को हत्या गरेर फरार भएका आज ४ जना पक्राउ परेका छन् ।
घरायसी विवादका कारण श्रीमती र।दुई दाजुभाई मिलेर धनुषा जिल्लाको हंसपुर नगरपालिका वडा नम्बर ६ टिल्ही बस्ने बद्री मण्डलका २५ वर्षीय छोरा शम्भु मण्डलको हत्या भएको थियो । हत्या आरोपमा उनकै पत्नी २३ बर्षीया सुशीला देवी, भाइ अनिल मण्डल र अरु दुई जनालाई पक्राउ गरिएको प्रहरीले जनाएको छ । याे समाचार पनि पढनु हाेला ।
शम्भु केही दिनअघि मात्रै वैदेशिक रोजगारीबाट फर्केका थिए । उनको हत्याको घटनापछि फरार रहेका पत्नी सुशीला र भाइ अनिललाई उदयपुर सदरमुकाम गाईघाटबाट नियन्त्रणमा लिइएको धनुषाका प्रहरी प्रवक्ता मकेन्द्र मिश्रले बताए । उनीहरु एक मन्दिरमा बसेको अवस्थामा पक्राउ परेका थिए ।
पक्राउ परेका अरु दुई जनाले भने देवर भाउजुलाई भगाउन सहयोग गरेको मिश्रले बताए ।
