प्रहरीले काठ खरिद गरेको कागजात उपलब्ध गराउन भनेपछि साह पछि हटेका थिए ।

हाम्रो जनकपुर , जनकपुरधाम । धनुषाको सबैला नगरपालिकाका मेयर विजय शंकर प्रसाद साहलाई काठचोर भन्दै उनको विरुद्धमा मोटरसाईकल रयाली निकालिएको छ ।

मेयर साहले आफ्नो घर बनाउनको लागि काठको तस्करी गरी ल्याएको काठमा निर्दोषलाई पेल्न खोजेको भन्दै काठचोर मेयर भन्दै नारावाजी गरिएको छ । आईतबार सबैलाका स्थानीयहरुले उनको विरोधमा मोटरसाईकल रयाली निकालेको थियो ।

केही दिन अघि मेयर साहले आफ्नो घर बनाउन जँगलबाट काठ तस्करी गरी अरुलाई फँसाउन खोजेको भन्दै नारावाजी गर्दै विरोध गरिएको हो । “मेयर चोर, काठ चोर” भन्दै नारा लगाउँदै स्थानीयहरुले मोटरसाईकल जुलुस निकालेको थियो ।

“जंगली काठ तस्करीमा मेयरको हात छ । यदि त्यस्तो थिएन भने किन मेयर साहले प्रहरीलाई भने की भोलि कागजलाई दिन्छु अहिले जान दिनुस् । पकै यो काठ मेयर कै हो हामी मुर्ख होईन । जँगलबाट सर्वसाधारण काठ तस्करी गर्दा मुद्दा लाग्ने, अनि जनप्रतिनीधिले सार्वजनिक सम्पतिको तस्करी र दुरुपयोग गर्दा मुद्दा नलाग्ने ?”– एक प्रदर्शनकारीले भने ।

दुई साता अगाडि चुरे क्षेत्रबाट तीन वटा ट्रयाक्टर लोड भएको काठ सहित प्रहरीले नियन्त्रणमा लिएको थियो । प्रहरीले काठसहित ट्रयाक्टर नियन्त्रणमा लिएपछि सबैलाका नगर प्रमुख साहले इलाका प्रहरी कार्यालयदेखि जिल्ला प्रहरी कार्यालयसम्म पुगेर छुटाउन प्रयास गरेका थिए ।

प्रहरीले काठ खरिद गरेको कागजात उपलब्ध गराउन भनेपछि साह पछि हटेका थिए । नगर उपप्रमुख कापरले अवैध ढुवानी भइरहेको काठ नियन्त्रणमा लिएर प्रहरीले सर्जमिन गर्दा स्थानीयले प्रष्ट रुपमा साहको काठ रहेको भनेको हुँदा सोही अनुरुप कारवाही प्रक्रिया अघि बढ्नुपर्ने माग गरेकी छिन् ।

कोरोना कहरको बहाना बनाएर विकासको काम ठप्प पारी अवैध कारोबारमा सक्रिय भएको भन्दै कापरले साह विरुद्ध भ्रष्टाचार मुद्दामा कारवाही चलाउन अख्तियार दुरुपयोग अनुसन्धान आयोगसँग माग गरेकी छिन् सभार न्युज ब्यूरो