जनकपुरधाम । प्रदेश २ को रौतहटमा पूर्वमन्त्री योगेश भट्टराई चढेको गाडीको ठक्करबाट साइकल यात्री घाइते भएका छन् ।
रौतहटको चन्द्र निगाहापुरमा भट्टराई चढेको ज.१ झ ४२७ नम्बरको गाडीले ठक्कर दिदा ५५ वर्षीय इन्द्रपसाद घिमिरे घाइते भएका हुन् ।
प्रचण्ड–माधव समूहका नेता भट्टराई जनकपुरमा आयोजना भएको एक कार्यक्रमबाट सहभागि भई हेटौंडा तर्फ जाँदै गर्दा साँझ सवा ७ बजे सो दुर्घटना भएको थियो ।
घाइते घिमिरेलाई उपचारका लागि काठमाडौं पठाइएको रौतहटका प्रहरी उपरीक्षक (एसपी) सिद्धिबिक्रम शाहले जानकारी दिए ।
नेता भट्टराईले नै स्वयम् घाइतेको उपचारमा चा“सो देखाउ“दै काठमाडौं उपचारको लागि पठाएका हुन् । ठक्कर दिने सो गाडीलाई प्रहरी नियन्त्रणमा लिएको छ ।
