फाइल फोटो
धनुषा, कार्तिक २८ । जयनगर–कुर्था रेलमार्गमा रेल्वे लिकंमा निर्माण सम्पन्न भएर औपचारिक उद्घाटनको पर्खाइमा रहेको क्लिप चोरी हुन थालेको छ।
३५ किलोमिटर मार्ग निर्माण सम्पन्न भएपछि नेपाली रेल जनकपुर आइसकेको छ। तर, औपचारिक उद्घाटन अझै हुन सकेको छैन्।
धनुषाको खजुरीदेखि महिनाथपुरसम्म धेरै क्लिप चोरी भएका छन् ।
धनुषाको कुर्थाबाट महोत्तरीको बिजलपुरा हुँदै बर्दिबाससम्मको ६९ किलोमिटर रेल्वे लिकको निर्माण कार्य जारी छ। तर, भारतको जयनगरदेखि धनुषाको कुर्थासम्म चल्नुपर्ने रेल्वे लिकको ‘क्लिप’ गायब हुन थालेका छन्।
रेल्वे लिकंको क्लिप चोरेर कवाडमा बेच्ने गरेको बताइन्छ। एउटा क्लिपमा आधा केजीभन्दा बढी फलाम हुने गरेको र अहिलेसम्म ६ सय बढी क्लिप चोरी भएका छन्।
चरिचरन गर्न आउनेहरूले क्लिप निकालेको हुनसक्ने स्थानीयहरुको भनाइ छ। दुई महिनाअघि नेपाल ल्याइएका एक इन्जिन र चारवटा बोगी रहेको रेलका दुई सेट अहिले सुरक्षित राखिएको छ।
